اترپردیش کے بجنور ضلع کے تھانہ بڈھاپور کے چوہڑ والا میں گزشتہ رات پولیس ٹیم نے ایک غیر قانونی شراب کی بھٹی پر چھاپہ مارا اور شراب کی بھٹیوں کو توڑ دیا اور ساتھ ہی کچی شراب کو بھی پھینک دیا۔
پولیس کی اس حرکت پر شراب مافیا آگ بگولہ ہوگئے اور پولیس پر حملہ کر دیے جس میں ایک داروغہ سمیت چھ پولیس کے جوان بری طرح زخمی ہوگئے۔ داروغہ کی حالت نازک بتائی جارہی ہے جنہیں میرٹھ علاج کے لئے روانہ کر دیا گیا ہے۔
پولیس نے گزشتہ رات شراب مافیا بلویندر سمیت دو خواتین اور دو افراد کو گرفتار کر لیا ہے۔ پولیس کے اعلی عہدیداروں نے بتایا کہ ہولی کے موقع پر پولیس نے ایک اطلاع پر چھاپہ مارا تو وہاں بھاری تعداد میں شراب بنانے کی بھٹیاں کچی شراب برآمد ہوئی۔
اس کے بعد شراب مافیا نے پولیس پر حملہ کر دیا جس میں داروغہ سمیت 5 پولیس کے جوان زخمی ہوگئے جس کے بعد پولیس نے ان پانچوں شراب مافیاوں کے خلاف سنگین دفعات کے تحت مقدمہ درج کر لیا ہے۔
