پاکستان فوج نے پیر کے روز بھارتی وزیر داخلہ امت شاہ کےاس ٹویٹ پر رد عمل کا اظہار کیا جس میں امت شاہ نے کہا تھا کہ اتوار کے روز بھارتی کرکٹ ٹیم نے پاکستان پر ایک اور اسٹرائیک کی تھی۔
پاکستانی فوج کے ترجمان کا کہنا تھا ' اسٹرائیک اور میچ کا تقابل نہیں کیا جاسکتا۔
امت شاہ نے لکھا کہ پاکستان پر ٹیم انڈیا کی جانب سے ایک اور اسٹرائیک اور نتیجہ وہی ہے۔ ان کا اشارہ 26 فروری کے فضائی حملہ کی طرف تھا جو بالا کوٹ میں جیش محمد کیمپ پر کئے گئے تھے۔ یہ حملے پلوامہ حملے کا جواب تھے جس میں 40 بھارتی فوجی ایک خود کش حملے میں مارے گئے تھے۔
میجر جنرل آصف غفور جو پاکستانی فوج کے شعبہ تعلقات عامہ کے ڈائرکٹر جنرل ہیں پیر کے روز کہا کہ کرکٹ میچ اور فضائی حملہ میں کوئی تقابل نہیں ہے۔ انہوں نے ٹویٹر پر لکھا کہ آپ کی ٹیم نے میچ جیتا ہے صحیح ہے ۔ دو الگ الگ چیزوں کا تقابل نہیں کیا جاسکتا ۔
انہوں نے لکھا کہ مہربانی کرکے نوشیرا کے جوابی حملہ کا نتیجہ دیکھئے جس میں بھارتی فضائی کو جواب دیا گیا اور اس کے دو طیارے مار گرائے گئے جو بھارت کے لئے ایک سرپرائیز تھا۔
امت شاہ کے بیان نتیجہ وہی ہے پر میجر جنرل آصف غفور نے لکھا کہ فضائی حملہ ناکام ہوگیا اور دو بھارتی طیارے مار گرائے گئے ایک پائلٹ کو گرفتار کیا گیا اور ایک ایم آئی 17 ہیلی کاپٹر خود بھارت نے مار گرلیا۔
بالا کوٹ فضائی حملہ دونوں ملکوں کے درمیان شدید تناؤ کے نتیجہ میں پیش آیا جہاں پاکستانی فوج نے دعوی کیا کہ اس نے دو بھارتی طیارے مار گرائے ایک پاک مقبوضہ کشمیر میں گرا اور دوسرا بھارتی کشمیر میں گرا جبکہ بھارت کا موقف ہے کہ پاکستان نے ایک مگ 21 بائسن گرایا جبکہ بھارت نے پاکستان کا ایک ایف 16 مار گرایا۔
