ہاتھرس کے بڑے حادثے کے بعد اترپردیش کے مختلف علاقوں میں جنسی زیادتی سمیت دیگر واقعات بدستور جاری ہیں اور پولیس انہیں روکنے میں ناکام ہے۔
اطلاعات کے مطابق تازہ معاملہ اترپردیش کے ضلع سہارنپور کا ہے، جہاں گذشتہ شب دو لڑکوں نے ایک نابالغ لڑکی کے ساتھ جنسی زیادتی کی ہے۔
سہارنپور نکوڑ علاقے کی رہنے والی متأثرہ لڑکی رات کے وقت اپنے گھر میں سورہی تھی، اسی دوران گاؤں کے ہی رہنے والے دو نوجوان دیوار پھاند کر اس کے گھر میں گھس آئے اور اس کے ساتھ جنسی زیادتی کی۔
بعد ازاں لڑکی کے اہل خانہ نے پولیس کو اطلا ع دی، اطلاع ملنے کے بعد موقع پر پہنچی پولیس نے لڑکی کو میڈیکل ٹیسٹ کے لئے بھیج دیا ہے۔ ساتھ ہی دونوں ملزمان کو بھی گرفتار کرلیا۔
اس سلسلے میں ایس پی دیہات اشوک کمار مینا نے بتایا کہ لڑکی کے والد کی تحریر کی بنیاد پر مقدمہ درج کرکے مزید کارروائی کی جارہی ہے۔
