سابق وزیر اعظم منموہن سنگھ کے میڈیا مشیر رہ چکے سنجے بارو سے ایک نوجوان نے 24 ہزار روپے کی دھوکہ دہی کی ہے، موصولہ اطلاعات کے مطابق 31 برس کے اس نوجوان نے سنجے بارو سے شراب کی آن لائن فراہمی کے بہانے 24 ہزار روپے کی دھوکہ دہی کی، حالانکہ پولیس نے ملزم کو گرفتار کر لیا ہے۔
پولیس نے بتایا کہ ملزم کا نام عاقب جاوید ہے اور وہ راجستھان کے بھرت پور ضلع کے کمان قصبے سے تعلق رکھتا ہے، پولیس نے اسے اس کے آبائی گاؤں سے گرفتار کیا ہے۔
پولیس نے مزید بتایا کہ جاوید ٹیکسی ڈرائیور ہے لیکن آسانی سے اور زیادہ پیسے کمانے کی نیت سے سائبر کرائم کا کام کرنے لگا، جاوید کے کئی ساتھی ہیں جنہیں پولیس تلاش کررہی ہے، پولیس کے مطابق ملزم نے کورونا لاک ڈاؤن کے دوران 100 کے قریب افراد کے ساتھ دھوکہ دہی کرنے کا اعتراف کیا ہے۔
دو جون کو اس واقعے کے بارے میں پولیس کو اطلاع اس وقت اطلاع ملی جب بارو نے پولیس میں شکایت کی، بارو نے اپنی شکایت میں بتایا کہ وہ آن لائن شراب خریدنے کے لیے ایک دکان کی تلاش کر رہا تھے، تبھی انہیں 'لا کیو وائنس اینڈ اسپرٹ' نام سے دکان ملی، جب انہوں نے رابطہ کیا تو ان سے پہلے آن لائن ادا کرنے کو کہا گیا، لیکن جیسے ہی 24 ہزار روپے ادا کیے تو اس شخص نے اپنا فون بند کرلیا۔
ڈپٹی کمشنر پولیس اتُل کمار ٹھاکر نے بتایا کہ حوض خاص پولیس اسٹیشن میں دھوکہ دہی کا مقدمہ درج کیا گیا ہے۔ اور مزید تفتیش جاری ہے۔
