پولیس اہلکار نے خودکشی کی

اترپردیش کے ضلع جالون کے اورئی کوتوالی علاقہ میں پولیس کے سب انسپکٹر نے تین دن پہلے ہی بیٹے کی شادی کی تھی۔

پولیس ذرائع نے بتایا کہ دھریندر سنگھ راٹھور کانپور دیہات علاقہ میں واقع پولیس اسٹیشن میں تعینات تھے۔ وہ داروغہ کے عہدے پر فائز تھے۔

وہ بیٹے کی شادی کے موقع پر راجندر نگر میں واقع گھر پر آئے تھے۔ انہوں نے بتایا کہ بدھ کی رات کو انہوں نے کمرے میں پھانسی لگاکر خودکشی کرلی۔ خودکشی کی وجہ کا پتہ نہیں چل سکا ہے۔

پولیس نے لاش پوسٹ مارٹم کے لیے بھیج دی ہے اور خودکشی کے اسباب کی جانچ کررہی ہے۔