تین برس بعد ایک شخص کی گھر واپسی

کرما کے دو بیٹے اور تین بیٹیاں ہیں، دونوں بیٹے شادی شدہ ہیں، اور کرما کی بیوی کا برسوں قبل انتقال ہو چکا ہے۔ کرما کا تعلق دلت سماج سے ہے اور ان کے اہل خانہ کسمپرسی کی حالت میں زندگی گزارنے کو مجبور ہیں۔

اترپردیش میں ضلع سہارنپور کے دیوبند سے 20 کلو میٹر کے فاصلے پر راجوپور گاوں کے باشندے کرما نامی ایک شخص کے دوبارہ گاوں واپسی پر اہل خانہ اور گاوں کے لوگ حیرانی اور خوشی کا اظہار کرتے ہیں۔

تین برس قبل ذہنی مریض کرما عرف کرم سنگھ نے اپنا گاوں چھوڑ دیا تھا۔ پہلے اپنے رشتے دار کے گھر گئے بعد ازاں کسی انجان سفر پر نکل پڑے۔

اہل خانہ نے کافی تلاش کیا مگر ان کا کوئی سراغ نہیں لگ سکا۔ تھانے میں گمشدگی کی رپورٹ درج کرائی گئی، تین برس گزر جانے کے بعد چند روز قبل کرما نے بنگلور سے اپنے بیٹے کو فون پر بتایا کہ وہ یہاں زندہ سلامت اور صحت مند ہیں۔ اس خبر کے بعد اہل خانہ میں خوشی کی لہر دوڑ گئی۔

کرما کے دو بیٹے اور تین بیٹیاں ہیں، دونوں بیٹے شادی شدہ ہیں، اور کرما کی بیوی کا برسوں قبل انتقال ہو چکا ہے۔کرما کا تعلق دلت سماج سے ہے اور ان کے اہل خانہ کسمپرسی کی حالت میں زندگی گذارنے کو مجبور ہیں۔