کینیڈا کے رکن پارلیمان سکھ دھالیوال کی والدہ امرجیت کور ان تمام بھارتی نژاد کینیڈین باشندوں میں شامل ہیں، جو کورونا وائرس لاک ڈاؤن کی وجہ سے پنجاب میں پھنسی ہوئی ہیں۔
تاہم ، 80 سالہ امرجیت کور کو وطن واپس جانے میں کوئی جلدی نہیں ہے کیونکہ انہیں لگتا ہے کہ جن لوگوں کے گھر والے اور کاروبار کینیڈا میں ہیں انہیں پہلے ملک واپس روانہ کرنا چاہئے۔
امرجیت کور نے کہا کہ یہاں 25 سے 30 ہزار کینیڈین باشندے پھنسے ہوئے ہیں۔ میں نے اپنے بیٹے سے کہا کہ ان لوگوں کو پہلے سفر کرنے کی اجازت دی جائے کیونکہ کینیڈا میں ان کا روزگار ہیں۔ ان میں سے کچھ یہاں کاروبار بھی چلاتے ہیں۔ اس سے قبل بھی آٹھ طیارے بھارت سے کینیڈا کے لیے روانہ گئے تھے اب مجھے یقین ہے کہ یہاں سے مزید 1-2 پروازیں چلائی جائیں گی۔
انہوں نے مزید کہا کہ میں سوجاپور میں سکون سے ہوں۔ مجھے کسی قسم کی پریشانی کا سامنا نہیں کرنا پڑ رہا ہے۔ میری دیکھ بھال کرنے کے لئے میرے پاس ایک نوکر بھی ہے۔
کور پنجاب کے ضلع لدھیانہ میں اپنے آبائی گاؤں سوجا پور کا دورہ کرنے کے لئے دو ماہ قبل بھارت واپس آئی تھیں۔
انہوں نے بتایا کہ وہ کینیڈا کے انتہائی سرد موسم سے بچنے کے لئے پنجاب آئی تھیں۔
