انڈین کونسل آف میڈیکل ریسرچ (آئی سی ایم آر) کے ذریعہ جمعہ کے روز جاری کردہ اعدادوشمار کے مطابق گزشتہ 24 گھنٹے کے دوران کورونا وائرس کے 2 لاکھ 83 ہزار 659 نمونوں کا ٹیسٹ کیا گیا، جس سے ملک میں اب تک ٹیسٹ کیے گئے نمونوں کی تعداد ایک کروڑ 10 لاکھ 24 ہزار 491 ہو گئی۔
اس عرصے کے دوران ملک میں کووڈ-19 کی جانچ کرنے والی لیباریٹریوں کی تعداد بڑھ کر 1169 ہوگئی ہے۔
مرکزی وزیر صحت و خاندانی بہبود ڈاکٹر ڈاکٹر ہرش وردھن نے جمعرات کے روز وزارتی گروپ کے اجلاس میں کہا تھا کہ کورونا وائرس کی روک تھام کے لئے حکومت کی حکمت عملی بڑی تعداد میں کورونا وائرس کے نمونوں کی جانچ کرنا ہے تاکہ اس وائرس کے انفیکشن کا بروقت پتہ چل سکے اور اس کے پھیلاؤ پر قابو پایا جاسکے۔
اس حکمت عملی کا مقصد یہ ہے کہ جیسے ہی اس کی شناخت ہو، اس کا علاج کیا جائے تاکہ ملک میں کورونا کی وجہ سے ہونے والی اموات کی تعداد کو کم کیا جاسکے۔
