ملک بھر میں 1،321 کورونا ٹیسٹ لیبز

ملک بھر میں کورونا وائرس کووڈ 19 کی جانچ کرنے والی لیبز کی تعداد بڑھ کر 1،321 ہوگئی ہے.

جمعرات کو انڈین کونسل آف میڈیکل ریسرچ (آئی سی ایم آر) کی جانب سے جاری اعداد و شمار کے مطابق گذشتہ 24 گھنٹوں میں کورونا وائرس کی جانچ کرنے والی لیبز کی فہرست میں پانچ نام شامل ہو گئے ہیں۔ ان میں سرکاری لیبز 907 اور پرائیوٹ لیبز 414 شامل ہیں۔ اس وقت آر ٹی پی سی آر پر مبنی ٹیسٹ لیبز 676 ( سرکاری : 412 ، پرائیوٹ: 264) ہے جبکہ ٹرونیٹ پر مبنی ٹیسٹنگ لیبز کی تعداد 541 ( سرکاری : 465 ، پرائیوٹ : 76) اور سی بی این اے ٹی پر مبنی ٹیسٹنگ لیبز 104 ( سرکاری: 30 ، پرائیوٹ: 74) ہیں۔

ان 1،321 لیبز نے 29 جولائی کو کورونا وائرس کے انفیکشن کا پتہ لگانے کے لئے 4،46،642 نمونوں کی جانچ کی۔ اس طرح اب تک مجموعی طور پر 1،81،90،382 نمونوں کی جانچ کی جا چکی ہے۔

قابل ذکر ہے کہ چھ ماہ قبل 23 جنوری تک صرف پونے میں ایک لیب میں کورونا وائرس کے انفیکشن کی جانچ کی سہولت موجود تھی ، لیکن اب ملک بھر میں 1،321 لیبز کورونا وائرس کے انفیکشن کی جانچ کرنے کے لئے مسلسل کام کر رہی ہیں۔