نائیجیریا کے کادونا کانو ایکسپریس وے پر ایک بس کے ڈرائیور کا سٹیئرنگ پر کنٹرول کھو دینے کے بعد بس چار دیگر گاڑیوں سے ٹکرا گئی جس کے نتیجے میں کم از کم 13 افراد ہلاک ہوگئے۔
سرکاری افسران نے بدھ کے روز یہ اطلاع دی ہے۔
کادونا میں فیڈرل روڈ سیفٹی کور کے کمانڈر حافظ محمد نے بتایا کہ اس حادثے میں بہت سارے مسافر زخمی بھی ہوئے ہیں۔
انہوں نے بتایا کہ سڑک حادثہ کانو سے چلنے والی بس اور چار دیگر گاڑیوں کے درمیان ہوا تھا۔
سنی ہارون نامی ایک عینی شاہد نے بتایا کہ بس پر ڈرائیور نے اپنا کنٹرول کھو دیا اور بس چار دیگر گاڑیوں سے ٹکرا گئی جس کے نتیجے میں کم از کم 13 افراد ہلاک ہوگئے۔
خیال رہے نائیجیریا میں تقریباً ہر روز سڑک کے حادثات خراب سڑکیں، تیز ڈرائیونگ اور مسافروں بردار گاڑیوں میں زیادہ لوڈنگ کی وجہ سے پیش آتے ہیں، جس میں بہت سی جانیں ضائع ہوجاتی ہیں۔
