میڈیا رپورٹز کے مطابق حادثہ میں بس کے ڈرائیور سمیت آٹھ غیرملکی شہریوں کی موقع پر ہی موت ہوگئی، جبکہ ایک دیگر غیرملکی شہری نے علاج کے دوران دم توڑ دیا۔ زخمیوں کو کاجنگ، سیردنگ اور پتراجیا ہسپتال میں داخل کرایا گیا ہے۔
خیال رہے کہ حادثہ کی اصل وجہ کا اب تک پتہ نہیں چل سکا ہے، حکام نے اندیشہ ظاہر کیا ہے کہ ڈرائیور بس پر کنٹرول کھو بیٹھا تھا جس کی وجہ سے یہ حادثہ پیش آیا ہے۔
فائر بریگیڈ اور راحت بچاؤ عملہ کو متاثرین تک پہنچنے میں بے حد مشقت کرنی پڑی، کیونکہ انہیں بس کے کئی حصوں کو کاٹنا پڑا، بچاؤ عملہ کو متاثرین کی مدد میں ایک گھنٹے کا وقت لگ گیا۔
