بھارت بائیوٹیک نے 18 سال اور اس سے زیادہ عمر کے لوگوں کے لئے کورونا ویکسینیشن شروع ہونے سے چھ دن قبل ہفتہ کو اپنے کووڈ ٹیکے 'کوویکسن' کی قیمت کا اعلان کیا۔
بھارت کی بایوٹیک نے مرکز کی طرف سے جاری کردہ ہدایات کے بعد آج اپنی ویکسین کی قیمت کا اعلان کیا ہے۔ یہ ویکسین ریاستی حکومتوں کو چھ سو روپے اور نجی اسپتالوں کو 12 سو روپے میں دستیاب ہوگی۔
انہوں نے کہا کہ ہم یہ بتانا چاہیں گے کہ ہماری صلاحیت کا 50 فیصد سے زیادہ مرکزی حکومت کے ویکسین کی فراہمی کے لئے مختص ہے۔'
واضح رہے کہ کووڈ ۔19 کی ٹیکہ کاری کے تیسرے مرحلے کی رجسٹریشن 28 اپریل سے شروع ہوگی۔ اس مرحلے کے لئے 18 سال اور اس سے زیادہ عمر کے افراد کو یکم مئی سے ٹیکے لگائے جائیں گے۔
