مغربی بنگال میں 12 اپریل کو بردوان ضلع کے مسلم اکثریتی پارلیمانی حلقہ آسنسول اور کولکاتا کے بالی گنج اسمبلی میں ضمنی انتخابات By-Elections کی تیاریاں اور سرگرمیاں عروج پر ہیں۔ مسلم اکثریتی پارلیمانی حلقہ آسنسول سے ویٹرن فلم اسٹار شتروگن سنہا ترنمول کانگریس کے امیدوار ہیں، جبکہ بی جے پی نے اگنی مترا کو ان (شتروگن سنہا) کے خلاف انتخابی میدان میں اتارا ہے۔
ضمنی انتخابات کے مدنظر حکمراں جماعت ترنمول کانگریس اور اپوزیشن جماعتوں کے رہنماؤں کے درمیان لفظی جنگ میں شدت آ گئی ہے۔ انتخابی کمیشن نے کہا کہ 12 اپریل کو ہونے والے ضمنی انتخابات کے مکمل ہونے تک ترنمول کانگریس کے رکن اسمبلی نریندر ناتھ چکرورتی کسی بھی طرح کی تشہیری مہم میں شرکت نہیں کر سکتے ہیں۔
ترنمول کانگریس کے رکن اسمبلی کی تشہیری مہم میں شرکت پر پابندی انتخابی کمیشن نے مزید کہا کہ رکن اسمبلی اس درمیان سوشل میڈیا، الیکٹرونکس میڈیا اور اخبارات سے بات نہیں کرسکتے ہیں۔ ان کے بیان کو کسی بھی میڈیا پر دکھانا اور شائع کرنا ضابطہ اخلاق کی خلاف ورزی سمجھی جائے گی۔واضح رہے کہ پانڈیشور سے ترنمول کانگریس کے رکن اسمبلی نریندر ناتھ چکرورتی نے پریس کانفرنس سے خطاب کرتے ہوئے کہا تھا کہ 'ضمنی انتخابات میں بی جے پی کے ووٹرز سبق سکھانا ہے۔ اگر وہ خود سمجھ جاتے ہیں تو ٹھیک ہے ورنہ انہیں سمجھا دیا جائے گا۔ بی جے پی سمیت دیگر اپوزیشن جماعتوں نے ترنمول کانگریس کے رکن اسمبلی کی سرعام دھمکی دینے پر ریاستی انتخابی کمیشن سے شکایت درج کرائی تھی۔ اسی شکایت کی بنیاد پر ان پر پابندی عائد کی گئی ہے۔
