کولکاتا: بورڈ آف کنٹرول فار کرکٹ ان انڈیا (بی سی سی آئی) کے سربراہ سورو گنگولی کی اہلیہ ڈونا گنگولی کو وائرل بخار کی علامات کے ساتھ شہر کے ایک اسپتال میں داخل کرایا گیا ہے۔ مقامی میڈیا نے بدھ کو گنگولی کے خاندانی ذرائع کے حوالے سے یہ اطلاع دی۔
رپورٹ میں جنوبی کولکتہ کے ووڈ لینڈز اسپتال کے ذرائع کے حوالے سے بتایا گیا ہے کہ 'انہیں چکن گونیا ہوا ہے اور اب وہ ٹھیک ہیں۔' اوڈیسی ڈانسر ڈونا (46) کو منگل کی رات اس وقت داخل کرایا گیا جب کئی صحت کے ٹیسٹوں میں پتہ چلا کہ وہ چکن گونیا میں مبتلا ہیں۔ چکن گونیا ایک وائرل بخار ہے جو ایک متاثرہ مچھر کے کاٹنے سے ہوتا ہے۔ رپورٹ میں کہا گیا ہے کہ گنگولی بھی اسپتال گئے تھے۔
یہ بھی پڑھیں: Supreme Court on BCCI سورو گنگولی اور جے شاہ کے حق میں سپریم کورٹ کا فیصلہ
یو این آئی
