برکت اللہ بھوپالی کی برسی

مجاہد آزادی برکت اللہ بھوپالی کی برسی کے موقع پر اور امرت اتسو کے تحت جمیعۃ علماء مدھیہ پردیش اوربرکت اللہ بھوپالی ایجوکیشن سوسائٹی نے خراج عقیدت پیش کی۔

ریاست مدھیہ پردیش کے دارالحکومت بھوپال میں برکت اللہ ایجوکیشن سوسائٹی اور جمیعت علماء مدھیہ پردیش نے مجاہد آزادی برکت اللہ بھوپالی کی برسی کے موقع پر خراج عقیدت پیش کی برکت اللہ بھوپالی کی یوم پیدائش 7 جولائی 1854 میں مدھیہ پردیش کے بھوپال میں ہوئی اور وفات 27ستمبر 1927 میں ہوئی۔

غلام بھارت کو آزاد کرانے میں جن اکابرین اور مجاہدین کا اہم کردار رہا ہے انہیں میں اہم ترین نام مولانا برکت اللہ بھوپالی کا بھی ہے۔

انہوں نے اپنی زندگی کا بہترین حصہ آزادی کی لڑائی میں صرف کر دیا تھا۔

یہاں تک کہ انہوں نے کہا میں غلام بھارت میں نہیں رہ سکتا۔ اس لئے میں وطن چھوڑ رہا ہوں جب تک کہ ملک آزاد نہیں ہوتا میں یہاں قدم نہیں رکھوں گا۔
واضح رہے کہ برکت اللہ بھوپالی نے پہلی جلاوطن حکومت افغانستان میں قائم کی جس کے صدر راجہ مہندر پرتاپ سنگھ تھے اور مولانا عبیداللہ سندھی وزیر خارجہ تھے۔

وہی مولانا برکت اللہ بھوپالی کو قومی یکجہتی کے لئے بھی جانا جاتا ہے کیونکہ انہوں نے پورے ملک کے ہندو مسلمانوں کو ساتھ رہنے کی ہدایت دی تھی۔