ریاست اترپردیش کے ضلع بارہ بنکی کے موہن لال ڈگری کالج میں صحافیوں سے گفتگو کے دوران سماجوادی پارٹی کے ریاستی صدر نریش اتم پٹیل سے 'کسان نوجوان پٹیل یاترا' میں لفظ پٹیل جوڑنے کی وجہ پوچھی گئی تو انہوں نے کہا کہ سردار پٹیل نے ملک کے کسانوں اور نوجوانوں کے لیے جنگ لڑی اور انہیں ان کے حقوق دلائے۔ اس لیے وہ ان کے نام سے یاترا نکال رہے ہیں۔
مزید پڑھیں:۔ بارہ بنکی: 'یوگی حکومت ہر محاذ پر ناکام'
اس کے بعد جب سوال کیا گیا کہ اویسی کے آنے سے ریاست کے مسلمان کشمکش میں ہیں تو کیا کوئی مسلمان یاترا بھی نکالی جا سکتی ہے؟ اس پر نریش اتم پٹیل نے کہا کہ سماجوادی پارٹی ہندو، مسلمان، سکھ اور عیسائی سب کا احترام کرتی ہے۔
انہوں واضح طور کہا کہ آپ کا یہ سوال سیاست میں انتشار پیدا کرتا ہے۔ انہوں نے نصیحت دی کہ آپ کریٹو بنیے۔
انہوں نے مزید کہا کہ ہم کسانوں میں ہندو مسلمان نہیں کرتے۔ انہوں نے کہا کہ ہم آپ سے بھی چاہتے ہیں کہ آپ توجہ دیں کہ ملک برباد ہو رہا ہے، آپ سچ کا آئینہ بنیں۔
