منگل کی شام سہدیو موٹر سائیکل پر اپنے دوستوں کے ساتھ سکما کے شبری ندی علاقے میں سیر کے لیے گیا تھا۔ اس دوران موٹر سائیکل بے قابو ہو کر الٹ گئی۔ جس کی وجہ سے موٹر سائیکل پر سوار سہدیو دیردو زخمی Bachpan Ka Pyaar fame Sahdev Injured ہو گیا۔ اس سڑک حادثے میں سہدیو دیردو کے سر پر شدید چوٹیں آئیں۔
حادثے کے بعد قریبی لوگوں نے سہدیو کو ضلع اسپتال لے جایا۔ یہاں اسے ابتدائی طبی امداد دی گئی۔ حادثہ کی اطلاع ملتے ہی کلکٹر اور ایس پی موقع پر پہنچ گئے۔ سہدیو کی نازک حالت کو دیکھتے ہوئے حکام نے جگدل پور کے نیورولوجسٹ سے بات کی اور اسے بہتر علاج کے لیے ڈیمراپال اسپتال ریفر کر دیا گیا۔
ادھر سہدیو دیردو کے حادثے میں زخمی ہونے کی خبر آتے ہی مشہور گلوکار بادشاہ پریشان ہو گئے ہیں۔ انہوں نے ٹویٹ کیا اور سہدیو کی جلد صحت یابی کی خواہش کی۔
یہ بھی پڑھیں: 'بچپن کا پیار' نغمہ گاتی نظر آئیں رانو منڈل
واضح رہے کہ جگدل پور کے ڈیمراپال اسپتال میں ڈاکٹروں نے سہدیو کا علاج شروع کر دیا ہے۔ سٹی اسکین رپورٹ کے مطابق ڈاکٹروں نے ان کی حالت خطرے سے باہر بتائی ہے۔ سہدیو کی چوٹ کی اطلاع ملک اور دنیا میں بھی پہنچ چکی ہے۔ اس کے پیش نظر گلوکار بادشاہ نے خود بھی سہدیو کے ساتھی پنٹو مانک پوری سے فون کے ذریعے معلومات لیں۔ اس کے ساتھ ہی چھتیس گڑھ کے ایکسائز منسٹر کواسی لکھما نے زخمی سہدیو کی عیادت کی۔ دونوں نے ہر ممکن مدد کرنے کی بات کہی ہے۔
