ریاست تلنگانہ کے دارالحکومت حیدرآباد کے علاقہ حسین ساگر لوور ٹنک بنڈ کے قریب مسجد محمدیہ کے تحت دو اکڑ اراضی پر ایک قدیم قبرستان واقع ہے۔ اس قبرستان کے متولی قبرستان کی اراضی پر کمپلیس تعمیر کرنے کی کوشش کررہے ہیں۔
مقامی لوگوں نے وقف بورڈ میں شکایت درج کراتے ہوئے مطالبہ کیا تھا کہ وقف بورڈ کا عملہ اس قبرستان کا دورہ کرے اور وقف بورڈ عملہ نے دورہ بھی کیا لیکن ابھی تک متولی کے خلاف کوئی کارروائی نہیں کی گئی۔ مقامی باشندہ شیخ محمد نے کہا کہ اس قبرستان میں میرے افراد خاندان مدفون ہیں۔
انہوں نے کہا کہ ان کو مسلسل متولی کی جانب ہراساں کیا جار ہے اور قبرستان کی اراضی کو فروخت کرنے کی کوشش کی جارہی ہے۔ قبرستان کی صاف و صفائی کا خیال بھی نہیں رکھا جاتا ہے۔
مزید پڑھیں:۔ مسجد، قبرستان اور وقف جائیداد کو رجسٹرڈ کروانا ضروری: مولانا فرنگی محلی
شیخ محمد نے وقف بورڈ کے چیئرمین محمد سلیم سے مطالبہ کیا کہ وہ اس قبرستان کا دورہ کریں اور اس قبرستان کی حد بندی کریں اور اس قبرستان کی زمین کا تحفظ کو یقینی بنائیں۔
