بلاسپور: چھتیس گڑھ کے بلاسپور میں پورے خاندان کو جلانے کی کوشش کا ویڈیو سامنے آیا ہے۔ ویڈیو میں واضح طور پر دیکھا جا سکتا ہے کہ کس طرح دو افراد گھر کے سامنے بند دروازے کو آگ لگا کر پورے خاندان کو مارنے کی کوشش کر رہے ہیں۔ Threat to kill entire family in Bilaspur
شرپسندوں کی پوری کارروائی گھر کے باہر لگے سی سی ٹی وی کیمرے میں قید ہو گئی ہے۔ شرپسندوں نے گھر کی تمام کھڑکیوں اور دروازوں کو پٹرول چھڑک کر آگ لگا دی ہے۔
پورا معاملہ سرگٹی تھانہ علاقہ کے یدونندن نگر کا ہے۔ معاملے میں پولیس سی سی ٹی وی کی بنیاد پر بدمعاشوں کی شناخت کر رہی ہے۔ متاثرہ کے اہل خانہ پہلے ہی اس معاملے میں دھمکیاں ملنے کی بات کہہ چکے ہیں۔ اس کے ساتھ دھمکیاں دینے والوں کے نام بھی بتائے گئے ہیں۔
بلاس پور کے یادونندن نگر کی گوڑ کالونی میں رہنے والی ریکھا سنگھ نے اس معاملے کو لے کر سرگٹی تھانے میں کیس درج کرایا ہے۔ خاتون نے بتایا کہ وہ اپنے تین بچوں اور شوہر کے ساتھ گھر میں رہتی ہے۔ معمول کے مطابق جمعرات کی رات 10:00 بجے کھانا کھانے کے بعد پورا خاندان گھر میں سو گیا۔ اسی دوران دیر رات دو نوجوان گھر کو آگ لگانے پہنچے۔ ملزمان نے گھر کے تمام دروازوں کے سامنے پیٹرول ڈالا اور آگ لگانے کے بعد ملزمان موقع سے فرار ہوگئے۔ آگ لگنے سے گھر کے دروازے اور کھڑکیاں مکمل طور پر جل گئیں۔ اس کے ساتھ گھر کے باہر نصب سی سی ٹی وی کیمرے بھی جل گئے تاہم آگ لگانے سے قبل کیمرے میں قید ہونے والا پورا واقعہ پین ڈرائیو میں ریکارڈ ہو گیا۔ دو نوجوانوں نے پورے گھر کو جلانے کی کوشش کی جو سی سی ٹی وی فوٹیج میں صاف نظر آرہا ہے۔
واضح رہے کہ ملزمان نے پورے خاندان کو زندہ جلانے کی نیت سے واردات کو انجام دیا تھا۔ آگ لگنے کے بعد دھواں پھیلنے سے گھر کے تمام افراد کی نیندیں کھل گئیں۔ وہ لوگ ہمت سے کام لیتے ہوئے پانی چھڑک کر آگ پر قابو پالیا۔ اگر آگ قریب کھڑی گاڑیوں میں لگی ہوتی تو خوفناک صورتحال پیدا ہو سکتی تھی۔ لیکن گھر والوں کی ہمت سے ان کی جان بچ گئی۔
آگ لگانے کے معاملے میں متاثرہ ریکھا سنگھ نے بتایا کہ 'کچھ دن پہلے ان کے پورے خاندان کو جان سے مارنے کی دھمکیاں ملی تھیں۔ ریکھا نے پولیس کو اپنے بیان میں یہ بھی بتایا ہے کہ اسے رامجیت سنگھ، ببلو سنگھ نے جان سے مارنے کی دھمکیاں دی تھیں۔ وہ انہیں کافی عرصے سے ہراساں کر رہے تھے۔ ان پر مسلسل نظر رکھے ہوئے تھے۔ حالانکہ پولیس کو ابھی تک اس معاملے میں کسی بھی پہلو سے کامیابی نہیں مل سکی ہے تاہم سی سی ٹی وی فوٹیج کی بنیاد پر سخت تفتیش شروع کر دی گئی ہے۔
یہ بھی پڑھیں: بیتیہ میں سڑک حادثہ کی فوٹیج سی سی ٹی وی میں قید
