Ateeq Ahmad Updates مجھے قتل کیا جا سکتا ہے، عتیق احمد

عتیق احمد کو گجرات کی سابرمتی جیل سے یوپی کے پریاگ راج لایا جا رہا ہے۔ اُمیش پال اغوا کیس میں انہیں 28 مارچ کو عدالت میں پیش کیا جانا ہے۔ اس دوران انہوں نے کہا کہ مجھے قتل کیا جا سکتا ہے۔They want to kill me says ateeq ahmad

پریاگ راج: اترپردیش پولیس کی ایک ٹیم اتوار کی شام کو گجرات کے احمد آباد میں واقع سابرمتی سینٹرل جیل سے سابق رکن پارلیمان عتیق احمد کو لے کر پریاگ راج کے لیے روانہ ہوئی۔ عتیق احمد جون 2019 سے جیل میں قید ہیں۔ معلومات کے مطابق جیل سے نکلتے وقت عتیق احمد نے کہا کہ یہ لوگ انہیں قتل کر دیں گے۔ بتا دیں کہ عتیق احمد یوپی پولیس کے ساتھ پریاگ راج آنے کو تیار نہیں تھے۔ ان کے وکیل نے صرف ویڈیو کانفرنسنگ کے ذریعے فیصلہ سنانے کی درخواست دی تھی۔

واضح رہے کہ ٹرانسفر وارنٹ سمیت تمام کارروائی مکمل ہونے کے بعد عتیق کو پریاگ راج لایا جا رہا ہے۔ اس دوران یوپی پولس کا قافلہ رتن پور بارڈر سے راجستھان میں داخل ہوا۔ راجستھان کے ادے پور ضلع کے رشبھ دیو میں عتیق احمد کو ایک پٹرول پمپ پر قضاء حاجت کے لئے اتارا گیا۔ جس کی وجہ سے قافلہ تین منٹ رکنے کے بعد وہاں سے روانہ ہوگیا۔ اس کے بعد قافلہ تمام گاڑیوں میں ایندھن بھرنے کے لیے ادے پور کے پٹرول پمپ پر دس منٹ کے لیے رکا۔ اس کے بعد وہ وہاں سے آگے روانہ ہو گئے۔ انہیں چھ گاڑیوں کے قافلے کے ساتھ یوپی کے پریاگ راج لایا جا رہا ہے۔ عتیق کو لانے والی ٹیم میں 45 پولیس اہلکار شامل ہیں۔ عتیق کو منگل کو عدالت میں پیش ہونا ہے۔ عتیق امیش پال کے اغوا کیس میں ملزم ہے۔ عدالت اس معاملے میں اپنا فیصلہ 28 مارچ کو سنائے گی۔ اس دوران تمام ملزمان کو عدالت میں پیش ہونا ہے۔

اہم بات یہ ہے کہ سماج وادی پارٹی کے سابق ایم پی عتیق احمد جون 2019 سے سابرمتی جیل میں بند ہیں۔ سپریم کورٹ کے حکم کے مطابق عتیق احمد کو ان کی آبائی ریاست (اتر پردیش) سے سابرمتی جیل منتقل کر دیا گیا۔ پریاگ راج پولیس کمشنر رامیت شرما نے کہا کہ پریاگ راج پولس کی ایک ٹیم عتیق احمد کو لانے کے لیے بھیجی گئی تھی، جسے دی گئی تاریخ پر عدالت میں پیش کیا جانا ہے۔ شرما نے کہا کہ طریقہ کار کے مطابق تمام ملزمان کو فیصلے کی تاریخ پر عدالت میں پیش کیا جانا ہے اور پھر انہیں متعلقہ جیلوں میں واپس بھیجا جانا ہے۔

بتادیں کہ عتیق احمد 2005 میں اس وقت کے بی ایس پی ایم ایل اے راجو پال کے قتل کیس کے اہم ملزم ہے۔ حال ہی میں ان کے خلاف امیش پال کے قتل کے سلسلے میں ایک مقدمہ درج کیا گیا تھا۔ امیش پال راجو پال کے قتل کے اہم گواہ تھے۔ انہیں 24 فروری کو اتر پردیش کے پریاگ راج میں گولی مار کر ہلاک کر دیا گیا تھا۔