مراڈی میں حکام کے مطابق پیر کی صبح مغربی افریقی ملک نائجر کے دوسرے بڑے شہر کے ایک اسکول میں آگ لگنے سے 26 سے زائد بچے ہلاک اور درجنوں زخمی ہو گئے ہیں۔
مقامی میڈیا نے بتایا کہ گھاس پھونس سے بنے اسکول کے تین کلاس روم آگ کی زد میں آگئے، جس سے تین سے آٹھ سال کی عمر کے بچے ہلاک ہوگئے۔
قومی تعلیم کے ریجنل ڈائرکٹر نے تصدیق کی ہے کہ آگ لگنے کی وجہ اور یہ کہاں سے لگی اس کا فوری طور پر پتہ نہیں چل سکا ہے۔ حالانکہ پولیس معاملے کی جانچ کر رہی ہے۔
نائجر میں بھیڑ بھاڑ والے اسکولوں میں طلباء کے لیے جگہ بنانے کے لیے اکثر گھانس پھونس کی جھونپڑیوں کا استعمال کیا جاتا ہے۔
یہ بھی پڑھیں: نائیجر: مہلک حملوں کے بعد تین روزہ سوگ کا اعلان
اپریل میں نائیجر کے دارالحکومت نیامی کے مضافات میں ایک پرائمری اسکول میں تیز ہواؤں کی وجہ سے آگ لگ گئی تھی، جس میں 20 بچے ہلاک ہو گئے تھے۔
اس کے بعد سے اساتذہ اور والدین نے کہا کہ یہ اموات باہر قائم عارضی کلاس رومز کے خطرات کو واضح کرتی ہیں۔
