جمعرات کو انخلاء مہم کو کور کر رہا کیمرہ مین ضلع درانگ کے انفارمیشن اینڈ پبلک ریلیشنز ڈیپارٹمنٹ کا ملازم ہے۔ اسے پولیس فائرنگ میں مارے گئے ایک شخص کی لاش پر چھلانگ لگاتے ، لات مارتے اور باکسنگ کرتے دیکھا گیا۔ اس کی ویڈیو بھی سوشل میڈیا پر وائرل ہو رہی ہے۔ کیمرا مین کا نام بجوئے شنکر بنیا بتایا جا رہا ہے۔
آسام کے ڈی جی پی بھاسکر جیوتی مہانتا نے بتایا کہ اس کیمرا مین کو کل گرفتار کیا گیا اور آسام پولیس کے کرمنل انویسٹی گیشن ڈیپارٹمنٹ کے حوالے کر دیا گیا۔
یہ بھی پڑھیں:
Assam Violence: راہل گاندھی نے کہا میں اپنے بھائی بہنوں کے ساتھ کھڑا ہوں
واضح رہے کہ آسام کے ضلع درنگ میں آج تجاوزات کے خلاف آپریشن کے دوران پولیس اور مقامی لوگوں کے درمیان شدید جھڑپ ہوئی۔ دھول پور میں ہوئی اس جھڑپ میں دو شہریوں کی موت ہوئی ہے جب کہ پولیس اہلکاروں سمیت 16 افراد زخمی بتائے جا رہے ہیں۔ جھڑپ کے دوران پولیس اہلکاروں کو راست فائرنگ کرتے ہوئے دیکھا گیا۔
