لندن اولمپکس میں کانسی کا تمغہ جیتنے والی میری کوم نے اب کم از کم اپنے لئے چاندی کا تمغہ یقینی کرلیا ہے۔ ایشین چمپیئن شپ میں یہ میری کوم کا ساتواں تمغہ ہے۔ 2008 میں گوہاٹی میں چاندی کا تمغہ جیتنے کے علاوہ، مریم کوم 2003، 2005، 2010، 2012 اور 2017 کے ایونٹ میں طلائی تمغہ جیت چکی ہیں۔ فائنل میں مریم کوم کا مقابلہ قزاقستان کی کھلاڑی سے ہوگا۔
دو مرتبہ کی نوجوان عالمی چمپیئن ساکشی (54) نے اپنے سیمی فائنل میں ٹاپ سیڈ قزاقستان کی دینا جھولمن کو سخت مقابلے میں تین ۔دو سے شکست دے کر فائنل میں جگہ بنائی اور اپنے لئے چاندی کا تمغہ یقینی کرلیا ہے۔ اس سے پہلے 48 کلوگرام کے زمرے میں بھارت کی مونیکا کو سیمی فائنل میں شکست ملی۔ مونیکا کو دوسری سیڈ قزاقستان کی کھلاڑی نے پانچ۔صفر سے ہرایا۔ انہیں کانسے کے تمغے سے اکتفا کرنا پڑا۔
باکسنگ فیڈریشن آف انڈیا (بی ایف آئی) اور متحدہ عرب امارات کے باکسنگ فیڈریشن کی مشترکہ میزبانی میں ایونٹ میں چاندی سمیت 15 تمغے یقینی کرنے کے ساتھ، بھارتی دستہ نے اب تک کی اپنی بہترین کارکردگی پیش کی ہے۔ واضح رہے کہ بھارتی دستے نے بنکاک میں 2019 میں منعقدہ گزشتہ ایڈیشن میں 13 تمغے حاصل کئے تھے جن میں دو طلائی، چار چاندی اور سات کانسے کے تمغے تھے۔ جب کہ ہندوستانی ٹیم ٹیبل میں تیسرے نمبر پر رہی تھی۔
یو این آئی
