جے پور: راجستھان کے وزیر اعلی اشوک گہلوت نے آج مالی سال 2023-24 کے لئے ریاستی بجٹ کو حتمی شکل دی۔ وزیر اعلی رہائش گاہ پر گہلوت نے اسے حتمی شکل دی۔ اس موقع پر مالی محکمہ کے ایڈیشنل چیف سکریٹری اکھل اروڑا، انتظامی سکریٹری خزانہ (ریوینیو) کرشن کانت پاٹھک، سکریٹری خزانہ (بجٹ) روہت گپتا، انتظامیہ سکریٹری خزانہ(خرچہ) نریش کمار ٹھکرال اور ڈائیریکٹر (بجٹ) برجیش شرما موجود تھے۔ قابل ذکر ہے کہ گہلوت جمعہ کو اسمبلی میں بجٹ پیش کریں گے۔ یہ ان کے تیسرے اور موجودہ دور کا پانچواں اور آخری بجٹ ہے۔
گہلوت کے پاس مالی محکمہ کا ذمہ بھی ہے اور ان کے تین وزیر اعلی کے دور میں اب تک وہ نو بار ریاست کا بجٹ پیش کر چکے ہیں اور وہ جمعہ کو دسویں بار ریاست کا بجٹ پیش کریں گے۔ وزیر اعلی رہتے بھیرو سنگھ شیخاوت نے وزیر خزانہ کا کام اپنے پاس رکھ کر خود نے ریاستی بجٹ پیش کیا تھا اور اس کے بعد جب گہلوت سال 1998 میں پہلی بار ریاست کے وزیر اعلی بنے تب انہوں نے وزارت خزانہ اپنے پاس نہیں رکھا تھا اور اس وقت کے وزیر خزانہ پردھمن سنگھ نے اسمبلی میں بجٹ پیش کیا تھا۔ جب کہ وسوندھرا راجے نے اپنے دونوں وزیر اعلی کے عہد میں محکمہ خزانہ اپنے پاس رکھا اور وہ دس بار ریاست کا بجٹ پیش کر چکی ہیں۔
Rajasthan Assembly Election ہم لوگ اس بار مشن 156 میں کامیاب ہوں گے، گہلوت
یو این آئی
