ریاست راجستھان میں راجیہ سبھا انتخابات کا ہنگامہ جاری ہے۔ راجستھان سے چار سیٹوں پر ممبران کا انتخاب ہونا ہے، لیکن اس درمیان حکومت کے اطلاعات اور تعلقات عامہ کے وزیر اشوک چندنا نے ٹوئٹر پر ناراضگی کا اظہار کیا ہے۔ محکمہ کے وزیر اشوک چندنا نے ایک ٹویٹ میں وزیر اعلیٰ سے خود کو اپنے عہدے سے فارغ کرنے کی اپیل کی ہے۔ اشوک چندنا نے اپنے ٹوئٹ میں لکھا کہ انہیں اس ذلت آمیز عہدے سے سبکدوش کر دیا جائے۔ Rajasthan Minister Ashok Chandna appealed To Ashok Gehlot
یہ بھی پڑھیں: Kapil Sibel Left Congress: کپل سبل نے کانگریس چھوڑ ایس پی کے ٹکٹ پر راجیہ سبھا کا پرچہ داخل کیا
اشوک چندنا کسی اور سے نہیں بلکہ چیف منسٹر آفس کے پرنسپل کلدیپ راکا سے ناراض ہیں۔ یہ ناراضگی کلدیپ راکا کی اشوک چندنا کے محکمہ میں مداخلت کی وجہ سے پیدا ہوئی ہے۔ ناراضگی کا اظہار کرتے ہوئے اشوک چندنا نے جمعرات کو ٹویٹ کیا اور لکھا کہ 'وزیر اعلیٰ، میری آپ سے ذاتی درخواست ہے کہ مجھے اس ذلت آمیز عہدے سے سبکدوش کر دیا جائے اور میرے تمام محکموں کا چارج کلدیپ راکا کو دے دیا جائے۔ کیونکہ ویسے بھی وہ میرے تمام محکموں کے وزیر ہیں۔' Rajasthan Minister Ashok Chandna Tweet
