تکونیا تشدد کیس کے مرکزی ملزم مرکزی وزیر مملکت برائے داخلہ اجے مشرا ٹینی کے بیٹے آشیش مشرا کی دوسری ضمانت کی درخواست کو سی جے ایم کورٹ نے مسترد کر دیا ہے۔ ایس پی او ایس پی یادو نے کہا کہ نئی دفعہ کی بنیاد پر آشیش کے وکیل نے عدالت میں ضمانت کی درخواست دی تھی لیکن سی جے ایم کورٹ نے ضمانت کی درخواست مسترد کر دی۔
واضح رہے کہ ضلع لکھیم پور کھیری میں نائب وزیراعلیٰ کے خلاف احتجاج کرنے آئے کسانوں پر مرکزی وزیر مملکت برائے داخلہ کے بیٹے آشیش مشرا اور اس کے حامیوں نے گاڑی چڑھادی۔ اس دوران 8 افراد ہلاک ہوگئے، حالانکہ بعد میں کسانوں نے ان گاڑیوں میں آگ لگادی تھی۔
یہ بھی پڑھیں:
لکھیم پور معاملے میں قصورواروں کے خلاف قانونی کارروائی کی جائے گی: نقوی
14 دسمبر کو، ایس آئی ٹی کے تفتیش کار ودیارام دیواکر کی درخواست پر، سی جے ایم عدالت نے کئی دفعہ کو ہٹانے کا حکم دیا تھا جس میں قتل، قتل کی کوشش، سازشی اتفاق رائے سے حملہ اور توڑ پھوڑ اور آرمس ایکٹ کی دفعات میں اضافہ شامل ہے۔ اس بنیاد پر مرکزی ملزم وزیر کے بیٹے آشیش مشرا مونو کی ضمانت پر ان کے وکیل اودھیش سنگھ نے عدالت میں نئی ضمانت کی درخواست دائر کی تھی۔
