ملک بھر میں کورونا وائرس سے ہر روز ہزاروں افراد کی موت ہورہی ہے اور ان کی آخری رسومات ادا کرنے میں مشکلات پیش آرہی ہیں۔ اس سلسلہ میں حیدرآباد میں واقع تلنگانہ حج کمیٹی کے سابق چیرمین محمد مسیع اللہ خان نے متوفیوں کی آخری رسومات انجام دینے کے لیے مفت خدمات کی فراہمی کا آغاز کیا ہے۔
حیدرآباد میں کورونا سے مرنے والوں کے لیے مفت غسل موبائل وین کا انتظام
تلنگانہ حج کمیٹی کے سابق چیئرمین محمد مسیح اللہ خان نے کورونا وائرس سے فوت ہونے والوں کے لیے کفن اور غسل کے لیے موبائل وین کے انتظام کیا ہے- مسیح اللہ خان نے کہا کورونا سے متاثر مریضوں کے لیے ایمبولینس بیڈ اور آکسیجن کی کمی ہورہی ہے۔
دوسری جانب انتقال کے بعد میت کو غسل دینے اور کفن کے لیے بھی مشکلات کا سامنا کرنا پڑرہا ہے- اس ضمن میں مفت غسل موبائل وین کے انتظام کیا گیا ہے۔ حیدرآباد سے تعلق رکھنے والے افراد 9177118866 پر رابط کرسکتے ہیں۔
