بھارتی آرمی چیف جنرل ایم ایم نروانے اتوار کے روز برطانیہ اور اٹلی کے چار روزہ دورے پر روانہ ہوئے ہیں جس کا مقصد دونوں ممالک کے ساتھ بھارت کے دو طرفہ تعلقات کو بڑھانا ہے۔ فوج نے بتایا کہ جنرل ایم ایم نروانے اپنے فوجی ہم منصبوں اور دونوں ممالک کے سینئر فوجی رہنماؤں سے مل کر فوجی تعاون کو فروغ دینے پر تبادلہ خیال کریں گے۔
آرمی نے بتایا کہ اس دورے کے پہلے مرحلے میں نروانے، چیف آف آرمی اسٹاف، برطانیہ کے سکریٹری برائے دفاع، چیف آف ڈیفنس اسٹاف، چیف آف جنرل اسٹاف اور دیگر افسران کے ساتھ بات چیت کریں گے۔
وہ مختلف فوجی فارمیشنز کا بھی دورہ کریں گے جہاں وہ باہمی دلچسپی کے امور پر تبادلہ خیال کریں گے۔
آرمی نے ایک بیان میں کہا '7 سے 8 جولائی تک اپنے دورے کے دوسرے مرحلے کے دوران آرمی چیف اطالوی فوج کے چیف آف ڈیفنس اسٹاف اور چیف آف اسٹاف کے ساتھ اہم بات چیت کریں گے۔'
یہ بھی پڑھیں: سرینگر میں ڈرون کے استعمال پر پابندی
'چیف آف آرمی اسٹاف کیسینو کے مشہور قصبے میں بھارتی آرمی میموریل کا افتتاح بھی کریں گے۔'
