سیوان: بہار میں ایک بار پھر ترنگے کے ساتھ چھیڑ چھاڑ کا معاملہ سامنے آیا ہے۔ تازہ معاملہ ضلع سیوان کا ہے۔ الزام لگایا جا رہا ہے کہ عید میلادالنبی کے موقع پر قومی پرچم کے ساتھ چھیڑ چھاڑ کرتے ہوئے اشوک چکر کی جگہ تلوار کی تصویر لگا دی گئی۔ واقعے کی تصویر سوشل میڈیا پر تیزی سے وائرل ہو رہی ہے۔ تصویر وائرل ہونے کے بعد ایس ڈی پی او نے تحقیقات کا حکم دے دیا ہے۔Alleged Tampering With National Flag
سوشل میڈیا پر ترنگے کے جھنڈے کے ساتھ چھیڑ چھاڑ کی وائرل ہونے والی تصویر ضلع سیوان کے ایم ایچ نگر تھانہ علاقے کے ارندا گاؤں کا بتایا جا رہا ہے۔ بتایا جا رہا ہے کہ عید میلادالنبی کے موقع پر جلوس کے دوران ایک شخص کے ہاتھ میں ایک متنازعہ جھنڈا ہے۔
واقعے کے حوالے سے بتایا جا رہا ہے کہ عید میلاد النبی کے موقع پر جلوس نکالا گیا تھا۔ جس میں ترنگا جھنڈا بھی شامل تھا۔ اسی دوران ترنگے جھنڈے میں اشوک چکر کی جگہ تلوار کی تصویر سوشل میڈیا پر وائرل ہونے لگی۔ وائرل تصویر میں واضح طور پر دیکھا جا سکتا ہے کہ ایک شخص ہاتھ میں ترنگا جھنڈا اٹھائے جلوس میں چل رہا ہے۔ اس شخص کے ہاتھ میں نظر آنے والے جھنڈے میں اشوک چکر کی جگہ پر تلوار ہے۔
سوشل میڈیا پر تصویر وائرل ہونے کے بعد سیوان کے ایس ڈی پی او اشوک کمار آزاد نے اس کا نوٹس لیتے ہوئے تحقیقات کا حکم دیا ہے۔ اس تصویر کے وائرل ہونے کے بعد سے سوشل میڈیا پر صارفین مختلف ردعمل دے رہے ہیں۔ اشوک کمار آزاد نے کہا کہ معاملہ نوٹس میں آ گیا ہے اور انکوائری کا حکم دے دیا گیا ہے۔
