ریاست اترپردیش کے ضلع مظفر نگر کے کلیکٹریٹ دفتر کے باہر آل انڈیا متحدہ محاذ تنظیم کے کارکنان اور عہدیداران نے تریپورہ تشدد واقعہ کے خلاف مظاہرہ کیا اور ملزمین کے خلاف سخت کارروائی کا مطالبہ کیا۔
آل انڈیا متحدہ محاذ تنظیم نے تریپورہ تشدد واقعہ کی سخت مذمت کی ہے، اس موقع پر مظاہرین کا کہنا ہے کہ وزیراعظم نے سب کا ساتھ سب کا وکاس کا نعرہ دیا تھا لیکن تریپورہ میں ایک مخصوص طبقے کے خلاف تشدد کیوں ہو رہا ہے؟
انہوں نے کہا کہ مین اسٹریم میڈیا میں اس واقعہ کو کوئی خاص جگہ نہیں دی جا رہی ہے، وہاں پر مساجد، گھروں اور دوکانوں کو نذرآتش کیا گیا لیکن ملک کے وزیراعظم خاموش ہیں۔
مزید پڑھیں:۔ 'حکومت تریپورہ میں تشدد کرنے والی تنظیموں کے خلاف سخت ترین کارروائی کرے'
مظاہرین نے ملزمین کے خلاف سخت کارروائی کا مطالبہ کرتے ہوئے کہا کہ ایسے لوگوں کو گرفتار کرکے جیل میں ڈالا جائے۔
انہوں نے کہا کہ اس طرح کے واقعات ملک میں امن و امان کو خراب کرتے ہیں اور اس طرح کے واقعات کو فوری طور سے روکا جائے۔
