یوپی اسمبلی انتخابات کو لیکر جہاں سیاسی بیان بازی کا دور جاری ہے وہیں ایسے ماحول میں اب سیاسی رہنما بھی عوام کے درمیان جاکر ان سے ووٹ کی اپیل کر رہے ہیں۔ میرٹھ کے کنکر کھیڑا علاقے میں وزیر اعلیٰ یوگی آدتیہ ناتھ نے عوام سے بی جے پی کے حق میں ووٹ کی اپیل کی، وہیں دوسری جانب سماجوادی پارٹی کے قومی صدر اکھلیش یادو اور راشٹریہ لوک دل سے رہنما جینت چودھری نے مشترکہ طور پر پریس کانفرنس کرتے ہوئے کہا کہ اس مرتبہ اترپردیش سے بی جے پی کا خاتمہ ہونے جا رہا ہے۔ Akhilesh Yadav and Jayant Chaudhary Press Conference
میڈیا کے سوالوں کا جواب دیتے ہوئے اکھلیش یادو نے کہا کہ پہلے مرحلے کی ووٹنگ سے ہی بی جے پی کو شکست دینے کا عمل شروع ہو جائے گا اور شکست کے خوف سے بی جے پی کے سینیئر رہنما عوام کے درمیان جا رہے ہیں لیکن عوام ان کو پسند نہیں کر رہی ہے بلکہ بی جے پی کے امیدواروں اور رہنماوں کو عوام اپنے علاقوں سے بے دخل کر رہی ہے۔
- مزید پڑھیں:۔ Muslim Votes May Be Scattered in the First Phase: کیا یوپی میں پہلے مرحلے میں مسلم ووٹ بکھر سکتے ہیں؟
انہوں نے کہا کہ عوام بی جے پی کے بجائے ہمارے اتحاد کو ووٹ کرنے جارہی ہے، تاکہ ریاست میں ایک بار پھر سے قانون کا راج قائم ہو سکے اور ان جھوٹوں کی سرکار سے نجات مل سکے۔ اس بار یوپی میں سماجوادی پارٹی اور راشٹریہ لوک دل کی بڑی جیت کے ساتھ حکومت تشکیل پائے گی۔
