ایئرانڈیا سمیت کئی بین الاقوامی ہوائی کمپنیوں نے 5G موبائل فون سروس اور پیچیدہ ہوا بازی ٹیکنالوجیز کے درمیان مداخلت کی وجہ سے غیر یقینی صورتحال کے باعث بدھ سے امریکہ کے لیے پروازیں بند کر دی ہیں۔Air india Cancels Flight To US over 5G Issue
ایئر انڈیا نے کہا کہ اس نے دہلی سے امریکہ میں سان فرانسسکو، شکاگو اور جے ایف کے اور ممبئی سے نیویارک کے لیے اپنی پروازیں منسوخ کر دی ہیں۔
ایئر انڈیا نے ایک ٹویٹ میں کہا’’امریکہ میں 5G مواصلات کی وجہ سے، ہم اب 19 جنوری سے دہلی سے سان فرانسسکو، شکاگو اور امریکہ میں جے کے ایف اور ممبئی سے نیوارک تک اپنی پروازیں نہیں چلا سکیں گے"۔
سی این این کی رپورٹ کے مطابق ایمریٹس، ایئر انڈیا، آل نیپون ایئرویز اور جاپان ایئر لائنز نے امریکہ کے لیے پروازوں میں تخفیف کا اعلان کیا ہے۔
ایمریٹس نے نو امریکی ہوائی اڈوں بوسٹن، شکاگو اوہیئر، ڈیلاس فورٹ ورتھ، جارج بش انٹرکانٹینینٹل میں ہیوسٹن، میامی، نیوارک، اورلینڈو، سان فرانسسکو اور سیئٹل کے لیے اپنی پروازیں منسوخ کرنے کا اعلان کیا ہے۔
- مزید پڑھیں:ایئر انڈیا کو 3،600 کروڑ روپے کا نقصان
فیڈرل ایوی ایشن ایڈمنسٹریشن کے مطابق ہوائی اڈوں کے قریب 5G سیلولر انٹینا ہوائی جہاز کے کچھ آلات کی ریڈنگ کو روک سکتے ہیں، جس سے پائلٹس کو اندازہ ہوتا ہے کہ وہ زمین سے کتنی دور ہیں۔
یو این آئی
