ریاست کرناٹک کے ضلع یادگیر میں مجلس اتحاد المسلمین کی جانب سے وسیم رضوی کے خلاف ایک زبردست احتجاجی ریلی نکالی گئی۔ یہ ریلی حضرت ٹیپو سلطان چوک سے ہوتی ہوئی گاندھی چوک، بخاری چوک، امبیڈکر چوک سے شاستری چوک پر اختتام پذیر ہوئی۔
اس موقع پر مولانا نظام الدین برکاتی نے کہا کہ وسیم رضوی نے حضور کی شان میں گستاخی کی ہے۔ اس کی سزا اس کو دنیا و آخرت میں ضرور ملے گی۔ مولانا شیخ فرید الدین نے حکومت سے مطالبہ کیا کہ ملک کی فضا خراب کرنے والے ایسے لوگوں کو سخت سے سخت سزا دی جائے۔
مولانا عبداللہ نقشبندی نے کہا کہ وسیم رضوی جیسے لوگ ملک کی سلامتی کیلئے خطرہ ہیں۔ انہوں نے کہا کہ تاریخ گواہ ہے کہ اسلام پر جتنا دبایا جائے گا، وہ اتنا ہی آگے بڑھے گا۔
مزید پڑھیں:۔ جے پور: وسیم رضوی کے خلاف شیعہ برادری کا احتجاج
اس ریلی سے خطاب کرتے ہوئے عبدالکریم نے کہا کہ میں تمام نوجوانوں اور دیگر احباب کا شکریہ ادا کرتا ہوں، جنہوں نے نبی کی شان میں گستاخی کرنے والے کے خلاف اتحاد کا مظاہرہ کرتے ہوئے اس احتجاجی ریلی میں شرکت کی۔
اس موقع پر مجلس اتحاد المسلمین کی جانب سے ایک یادداشت تحصیلدار یادگیر راجکمار کو پیش کی گئی، جس میں گستاخ رسول وسیم رضوی کو سخت سے سخت سزا دینے کا مطالبہ کیا گیا۔
