ریاست مہاراشٹر کے اورنگ آباد میں واقع بجوج نگر میں رہنے والی ایک خاتون کو کمر میں ہمیشہ درد رہتا تھا وہ کمر درد کے علاج کی غرض سے اورنگ آباد کے ہیگڑے وار ہسپتال پہنچی جس کے بعد اُس خاتون کا ایم آر آئی کروایا گیا، ایم آر آئی کی رپورٹ آنے کے بعد ڈاکٹر حیران ہوگئے۔
ڈاکٹروں نے کہا ہے کہ دنیا میں کورونا سے ٹھیک ہونے کے بعد ایسی بیماری صرف چھ لوگوں میں شناخت ہوئی ہے۔
بتایا جاتا ہے کہ خاتون کے سر سے لے کر پیٹ اور پورے جسم میں پس جمع ہو گیا، ڈاکٹروں نے فوری طور پر خاتون کو ہسپتال میں داخل کیا اور اُس خاتون کی سرجری کی اور اس کے جسم سے تقریباً آدھا لیٹر پس نکالا۔
خاتون کا علاج کرنے والے ڈاکٹروں کا کہنا ہے کہ خاتون کا اینٹیجن ٹیسٹ کی رپورٹ منفی آئی، لیکن جسم میں اینٹی باڈیز پائی گئی اس کا مطلب یہ ہے کہ خاتون کورونا میں مبتلا ہوئی تھی، اس خاتون میں بیماریوں سے لڑنے کی طاقت ختم ہو گئی تھی اور اسے بہت تکلیف کا سامنا کرنا پڑ رہا تھا۔
ڈاکٹر نے کہا کہ اس خاتون کو کورونا ہوا تھا اور کورونا سے ٹھیک ہونے کے بعد اس کے سارے جسم میں پس بھر گیا تھا، یہ بیماری جرمنی کے چھ افراد میں پائی گئی ہے۔
