کانگریس کی اترپردیش کی انچارج جنرل سکریٹری پرینکا گاندھی واڈرا نے پارٹی کی ہار کی وجوہات پر غور کرنے کےلئے ریاست کے سینئر رہنماؤں کے ساتھ آج جائزہ میٹنگ کی۔Priyanka Gandhi's Review Meeting in Delhi
واڈرا میٹنگ کی صدارت کررہی ہیں اور اس میں پارٹی کے کئی سینئر رہنما حصہ لے رہے ہیں۔اس میٹنگ میں سابق رکن پارلیمان پرمود تیواری، کانگریس ریاستی صدر اجے کمار للو، آرادھنا مشرا سمیت کئی سینئر رہنما موجود رہے۔
پارٹی کے ذرائع نے بتایا کہ جائزہ میٹنگ میں اترپردیش میں پارٹی کو مضبوط بنانے اور 2024 کے عام انتخابات تیار کرنے کے لئے پارٹی کو مضبوط بنانے کی حکمت عملی پر بات چیت ہوئی۔
واضح رہے کہ 2017 کے اسمبلی انتخابات میں پارٹی کو اترپردیش میں سات سیٹوں پر جیت ملی تھی، لیکن اس بار محض دو سیٹیں ہی جیت پائی ہے، جبکہ پرینکا گاندھی نے خواتین کو توجہ میں رکھ کر اس انتخابات میں اچھی کارکردگی کی کوشش کی تھی۔
یو این آئی
