نئی دہلی: دہلی کی اینٹی کرپشن برانچ نے لیفٹیننٹ گورنر وی کے سکسینہ کو ایک خط لکھ کر عام آدمی پارٹی کے اوکھلا کے رکن اسمبلی امانت اللہ خان کو دہلی وقف بورڈ کے چیئرمین کے عہدے سے ہٹانے کا مطالبہ کیا ہے۔ کہا گیا ہے کہ رکن اسمبلی ایک مجرم اور بدمعاش ہیں اور گواہوں کو پیش ہونے سے روک رہا ہیں۔ دہلی وقف بورڈ میں بے ضابطگیوں کے معاملے میں عام آدمی پارٹی کے رکن اسمبلی امانت اللہ خان کی مشکلات بڑھ سکتی ہیں۔ اے سی بی کی طرف سے لکھے گئے خط سے پہلے ہی لیفٹیننٹ گورنر نے سی بی آئی کو ان کے خلاف موصول شکایت کی جانچ کی سفارش کی تھی۔ ACB demand to lg remove aap mla from waqf board
دراصل نومبر 2016 میں سی بی آئی نے وقف بورڈ میں مبینہ بے ضابطگیوں کے الزام میں امانت اللہ خان کے خلاف مقدمہ درج کیا تھا۔ سی بی آئی نے خان اور دیگر کے خلاف مجرمانہ سازش اور انسداد بدعنوانی ایکٹ کی دفعات کے تحت ایف آئی آر درج کی تھی۔ اس کے ساتھ ہی اے سی بی رکن اسمبلی کے خلاف متوازی تحقیقات بھی کر رہی ہے۔
مزید پڑھیں:۔ دہلی: امانت اللہ خان پر بے ضابطگی کا الزام
نومبر 2016 میں دہلی حکومت کے محکمہ محصولات کے سب ڈویژنل مجسٹریٹ نے ایک شکایت درج کرائی تھی جس میں خان کی جانب سے دہلی وقف بورڈ میں موجودہ اور غیر موجود عہدوں پر من مانی اور غیر قانونی تقرریوں کا الزام لگایا گیا تھا۔ ذرائع کے مطابق اے سی بی کی جانب سے ایک کیس درج کیا گیا تھا اور جانچ کی گئی تھی، جس میں کافی قابل استغاثہ ثبوت ملے تھے، جس کے بعد تحقیقاتی ایجنسی نے لیفٹیننٹ گورنر سے استغاثہ کی منظوری طلب کی تھی۔ لیفٹیننٹ گورنر نے اے سی بی کے ساتھ سی بی آئی انکوائری کی سفارش کی۔ اس معاملے پر عام آدمی پارٹی کے ایم ایل اے امانت اللہ خان نے کہا ہے کہ انہوں نے کوئی غلط کام نہیں کیا ہے۔ اس لیے وہ اس تفتیش سے ڈرنے والا نہیں ہیں۔
