نوئیڈا: عام آدمی پارٹی کے ضلع صدر بھوپیندر جدون نے کہا کہ عام آدمی پارٹی مشن 2022 کے پیش نظر تنظیم کو وسعت دے رہی ہے۔ بھوپیندر جدون نے کہا کہ پارٹی نے اب ایک شخص اور ایک عہدہ کے فارمولے پر عمل کرتے ہوئے تنظیم کو مضبوط کرنے کا منصوبہ بنایا ہے۔
اب ایسے لوگوں کو عہدہ دیا جائے گا جو صرف تنظیم کے لیے کام کریں گے۔ انہوں نے کہا کہ پارٹی کی توسیع کے کام میں تیزی لائی جائے گی، قابل لوگوں کو ذمہ داری دی جائے گی۔انہوں نے کہا کہ نوئیڈا ودھان سبھا کے اندر 30 زون صدور کی تقرری کی جائے گی، تمام زون صدور تنظیم کو مضبوط کرنے کے لیے پورا وقت دیں گے۔ یہی نہیں پارٹی کے ذمہ دار عہدوں پر بیٹھے عہدیداروں کو تنظیمی سرگرمیوں کے لیے پورا وقت دینا ہوگا تاکہ حکمران جماعت سے مضبوطی سے نمٹا جا سکے۔
یہ بھی پڑھیں:
عام آدمی پارٹی کارکنوں کا ایم سی ڈی کے خلاف احتجاج
ضلع صدر بھوپیندر جدون نے تنظیم کو وسعت دیتے ہوئے نتن سریواستو کو نائب صدر نوئیڈا میٹروپولیٹن، ایڈوکیٹ یاشوج گگلانی کو نائب صدر، وپن پال سی اے اور رویندر کمار کو سکریٹری، رتیش دوگل کو سوشل میڈیا انچارج نوئیڈا اسمبلی اور محمد ارشد کو سیکرٹری یوتھ ونگ نوئیڈا اسمبلی نامزد کیا۔
