مشہور نیوز اینکر روہت سردانا کا آج کورونا کی وجہ سے انتقال ہو گیا۔ کورونا سے متاثر ہونے کے بعد دوران علاج انہیں دل کا دورہ پڑا جس کی وجہ سے ان کی موت ہوگئی۔
روہت سردانا کافی وقت سے آج تک نیوز چینل میں اینکر کی حیثیت سے کام کر رہے تھے۔
واضح رہے کہ روہت سردانا 'آج تک' نیوز چینل پر نشر ہونے والے شو 'دنگل' کے پروگرام کو ہوسٹ کرتے تھے۔ انہیں سنہ 2018 میں گنیش شنکر ودیارتھی ایوارڈ سے نوازا گیا تھا۔
سینیئر صحافی راج دیپ سردسائی اور سدھیر چودھری نے روہت سردانا کی موت کے بارے میں ٹویٹ کر کے جانکاری دی ہے۔
وزیراعظم نریندر مودی نے صحافی روہت سردانا کے انتقال پر دکھ کا اظہار کیا ہے۔ وزیراعظم نے جمعہ کو اپنے ٹویٹ پیغام میں کہا کہ 'روہت سردانا ہمیں بہت جلد چھوڑ گئے۔ توانائی سے پُر بھارت کی ترقی کے لئے پرجوش روہت کو متعدد لوگ یاد کریں گے۔ ان کے بے وقت انتقال سے میڈیا کی دنیا میں خلا پیدا ہو گیا ہے۔ ان کے کنبہ، دوستوں اور مداحوں کے ساتھ میری تعزیت۔ اوم شانتی'۔
بھارتیہ جنتا پارٹی (بی جے پی) کے صدر جے پی نڈا نے سینیئر ٹی وی جرنلسٹ روہت سردانا کی موت پر اظہار تعزیت کیا ہے۔
