سہارنپور: اتر پردیش کے سہارنپور میں ایک مسلم شخص نے شیو لنگ کا جلبھیشیک کیا۔ مسلم شخص نے نہ صرف مندر میں جلبھیشیک کیا بلکہ جاپ کے ساتھ پوجا بھی کی۔ اس کی ویڈیو سوشل میڈیا پر شیئر کی جا رہی ہے۔ جلبھیشیک کرنے والے شخص کا کہنا ہے کہ 'بھولے ناتھ اس کے پیارے دیوتا ہیں۔ انہیں شیو پر یقین ہے۔ اگر بھولے بابا کی مہربانی ہوگی تو وہ بنارس بھی جائیں گے اور جلبھیشیک کریں گے۔ 'Muslim Devotee Offers Jalabhishek
جانکاری کے مطابق دیوبند کے شیو مندر میں بھولے ناتھ کا جلبھیشیک کرنے والے شخص کا نام راؤ مشرف علی پنڈیر ہے، جو مسلم نیشنل فورم کا ضلع کنوینر بھی ہے۔ مشرف علی اکثر اسلام کے خلاف سرگرمیاں کرکے بحث میں رہتا ہے۔ اس بار اس نے شیو مندر میں شیولنگ پر جلبھیشیک کرکے منتروں کے ساتھ پوجا بھی کی ہے۔
یہ بھی پڑھیں: Muslim Man Converted to Hinduism لکھنؤ کے مسلم شخص نے بچوں کے ساتھ ہندو مذہب اپنایا
مشرف علی پنڈیر نے جلبھیشیک کرنے کے بعد کہا کہ' شیو بھولیناتھ کا کرم ہم سب پر ہو۔ ہم نے اپنے آباؤ اجداد کی روایات اور بھارتی ثقافت کو آگے بڑھاتے ہوئے جلبھیشیک کیا ہے۔ انہیں بھولے ناتھ پر یقین ہے۔ جلد ہی بھولناتھ ہمیں وارانسی بلائیں گے، پھر وہ وہاں بھی بھولے بابا کا جلبھیشیک کریں گے۔ انہیں علمائے کرام کے فتووں کی کوئی پرواہ نہیں۔'
