میرٹھ: ریاست اترپردیش کے ضلع میرٹھ میں واقع چودھری چرن سنگھ یونیورسٹی کے 34ویں کانووکیشن کی تقریب منعقد ہوئی۔ اترپردیش کی گورنر اور یونیورسٹی کی چانسلر آنندی بین پٹیل نے کانووکیشن تقریب کی صدارت کی اور طلباء میں ڈگریاں اور اسناد تقسیم کیں۔ کانووکیشن میں 195 طلباء کو 228 گولڈ میڈل سے متعلق میرٹ سرٹیفکیٹ دئیے گئے جبکہ یوجی اور پی جی کے 131193 طلباء میں ڈگریاں تقسیم کی گئیں۔ ان میں لڑکوں کی تعداد 43534 (33 فیصد) اور لڑکیوں کی تعداد 87659 (68.82 فیصد) تھی۔ گولڈ میڈل جیتنے والوں میں بھی طالبات نے ان کو پیچھے چھوڑ دیا اور 70 فیصد تمغے حاصل کیے۔ 234 طلباء کو پی ایچ ڈی کی ڈگریاں بھی دی گئیں۔ 34th Convocation Ceremony held at Chaudhary Charan Singh University
میرٹھ کی چودھری چرن سنگھ یونیورسٹی کے کانووکیشن تقریب کے موقع پر گورنر آنندی بین پٹیل نے تمام طلباء کو ڈگری حاصل کرنے پر مبارکباد دیتے ہوئے ان کے روشن مستقبل کی خواہش ظاہر کی۔ انہوں نے خاص طور پر تعلیمی میدان میں طالبات کی ترقی اور کامیابی کی حوصلہ افزائی کی، ساتھ ہی سماج میں جاری جہیز کی رسومات پر مایوسی کا اظہار کیا اور تمام خاندانوں سے اس برائی کو ختم کرنے کی اپیل کی۔ انہوں نے مزید کہا کہ ہم نے لڑکیوں کو تعلیم دینے میں ترقی کی ہے لیکن تعلیم یافتہ ہونے کے باوجود ہم معاشرے سے جہیز جیسی لعنت کو مکمل طور پر ختم نہیں کر سکے ہیں، جس کے لیے سبھی کو آگے آنا ہوگا تبھی اس برائی کا خاتمہ کیا جا سکتا ہے۔
