علی گڑھ: اترپردیش کے ضلع علی گڑھ میں زیر تعلیم ضرورت مند مسلم طالبات کے درمیان 'مفتی قاسم میموریل اسکالر شپ' Mufti Kazim Memorial Scholarship کے ذریعہ رقم تقسیم کی جاتی ہے۔ دراصل علی گڑھ مسلم یونیورسٹی کے سینیئر المنائی کے اہل خانہ امریکہ میں مقیم 'مفتی قاسم میموریل اسکالر شپ' کے تحت گذشتہ کچھ برسوں سے علی گڑھ میں زیر تعلیم مسلم طالبات کو اسکالر شپ کے ذریعہ رقم تقسیم کرتے ہیں، یہ رقم ان کے کورس کی فیس کے مطابق ہوتی ہے۔
اے ایم یو ٹریننگ اینڈ پلیسمنٹ سیل کے ٹریننگ اینڈ پلیسمنٹ آفیسر سعد حمید نے بتایا کہ اس اسکالرشپ کا مقصد غریب گھر سے تعلق رکھنے والی طالبات کی مدد کرنا ہے۔ ہم لوگ ایسی طالبات کو انٹرویوز کے ذریعہ یا ان سے ان کے گھر والوں سے ذاتی طور پر بات چیت کر کے انتخاب کرتے ہیں اور پھر ان میں اسکالر شپ کی رقم تقسیم کرتے ہیں۔ اس بار 28 طالبات کا انتخاب اسکالر شپ کے لیے کیا ہے، جس میں سے تقریبا 17 طالبات نے آج تقسیم اسکالرشپ پروگرام میں شرکت کی۔ Distribution Of Scholarship In AMU
محمد شاہد بلال نے اسکالرشپ سے متعلق بتایا کہ ہم نے کچھ برس قبل مفتی قاسم میموریل کے نام سے ایک اسکالرشپ شروع کی تھی، جس میں ہم طالبات کو اسکالر شپ کے تحت رقم دستیاب کراتے ہیں، جو طالبات پڑھائی میں اچھی ہیں، جو امتحانات میں اچھے نمبر حاصل کرتی ہیں اور جن کے پاس اعلی تعلیم حاصل کرنے کے ذرائع کم ہے۔ Scholarships In AMU
محمد شاہد نے مزید بتایا کہ ہم انہیں طالبات کو اسکالر شپ دیتے ہیں، جن کے امتحانات میں 60 فیصد نمبر آتے ہیں اور انٹرویو میں جو اچھا بولتی ہیں اور جو اعلی تعلیم حاصل کرنا چاہتی ہیں، جو تعلیم حاصل کرنے کے بعد کچھ اچھا کام کرنا چاہتی ہیں۔ ان کے خاندان میں کون کون ہیں اور ان کی خاندان کی آمدنی کتنی ہے، انہیں سب وجوہات کی بنا پر ہم طالبات کا انتخاب کر کے ان کو اسکالر شپ کی رقم دیتے ہیں۔
یہ بھی پڑھیں:
وہیں اسکالرشپ حاصل کرنے والی طالبہ عفیفہ سلطان نے بتایا کہ یہ سکالرشپ طالبات کو ہی دی جاتی ہے تاکہ ہم اپنے کورس کی فیس ادا کر سکیں۔ کورس سے متعلق مختلف کتابوں کو خرید سکیں۔ یہ میرے اسکالرشپ کا دوسرا سال ہے، جس کے لیے میں تہہ دل سے مفتی قاسم میموریل اسکالرشپ کا شکریہ ادا کرتی ہوں۔ Distribution Of Scholarship In AMU
