پونچھ: لاپتہ لڑکی کی لاش دریا سے برآمد

جموں کشمیر کے ضلع پونچھ سے لاپتہ لڑکی کی لاش دریا سے برآمد ہوئی۔ لڑکی کے گھروالوں نے اس معاملے میں تحقیقات کی مانگ کی۔

پونچھ: موصولہ معلومات کے مطابق ہفتہ کے روز 17 سالہ لڑکی مہک بی دوپہر کے وقت گھر سے لاپتہ ہوئی تھی۔

اتوار کی شام لاش منگناڈ گاؤں کے قریب پلست دریا کے کنارے سے ملی۔

پولیس نے موقع پر پہنچ کر لاش کو تحویل میں لے لیا۔

پوسٹ مارٹم کے لیے ڈسٹرکٹ ہسپتال پونچھ لایا گیا اور پوسٹ مارٹم کے بعد قانونی کارروائی کے بعد لاش ورثا کے حوالے کر دی گئی۔

پولیس نے مقدمہ درج کر کے تفتیش شروع کر دی ہے۔

جبکہ اہل خانہ نے قتل کا خدشہ ظاہر کرتے ہوئے تفتیش کا مطالبہ کیا ہے۔ رشتہ داروں کا کہنا ہے کہ قصورواروں کو سخت سے سخت سزا ملنی چاہیے۔