حیدرآباد: گوا سے حیدرآباد آنے والے اسپائس جیٹ کے طیارہ میں دھواں کے بعد فوری طور پر اس طیارہ کی ایمرجنسی لینڈنگ شہر حیدرآبادکے شمس آباد ایرپورٹ پر کروائی گئی۔اس واقعہ کے ساتھ ہی طیارہ میں سوار مسافرین خوفزدہ ہوگئے۔ Spicejet Flight Emergency Landing
طیارہ کی لینڈنگ سے کچھ دیر پہلے فلائٹ نمبرSG3737 میں اچانک دھوئیں کو محسوس کرتے ہی پائلٹ نے فوری طورپراے ٹی سی سے ایمرجنسی لینڈنگ کی اجازت مانگی جو اس کو دے دی گئی اور اس طیارہ نے محفوظ طورپر لینڈنگ کی۔ طیارہ میں دھوئیں سے ایک خاتون مسافر کے متاثر ہونے کی اطلاع ملی ہے۔یہ خاتون مسافر فی الحال ایرپورٹ کے احاطہ میں واقع اسپتال میں زیرعلاج ہیں۔
اس طیارہ میں 96مسافرین سوار تھے جنہوں نے اس طیارہ کی محفوظ لینڈنگ پر راحت کی سانس لی۔ لینڈنگ کے بعد ا س طیارہ کی مرمت کاکام کیاجارہا ہے۔اس طیارہ کی ایمرجنسی لینڈنگ کے سبب 9پروازوں کے رخ کو موڑدیاگیا۔ان میں 6ڈومسٹک اور دو بین الاقوامی پروازیں تھیں۔
یو این آئی
