اسمبلی انتخابات کے سلسلہ میں کمل ہاسن کی پارٹی کی جانب سے زبردست انتخابی مہم چلائی جارہی ہے۔ اس دوران رجنی کانت سے کمل ہاسن کی ملاقات پر سیاسی حلقوں میں ہلچل مچ گئی لیکن فلمی ستاروں کے قریبی ذرائع کے مطابق ملاقات کے دوران سیاسی امور پر گفتگو نہیں کی گئی۔
گذشتہ سال دسمبر کے اواخر میں مشہور اداکار رجنی کانت نے صحت مسائل کی طرف اشارہ کرتے ہوئے تملناڈو کے آئندہ اسمبلی انتخابات میں حصہ نہ لینے کا اعلان کیا تھا۔ انہوں نے ٹویٹ کر کے سیاسی پارٹی بھی نہیں بنانے کا ارادہ ظاہر کیا تھا۔
دوسری جانب کمل ہاسن نے 2018 میں اپنی سیاسی پارٹی کا آغاز کیا تھا جبکہ ان کی پارٹی کی جانب سے اسمبلی کے انتخابات کے لیے بڑے پیمانہ پر انتخابی مہم چلائی جارہی ہے۔ تمل ناڈو میں ماہ اپریل کے دوران انتخابات ہوں گے۔
