سرینگر جموں قومی شہراہ ضروری مرمت کے پیش نظر آج یعنی 11 اگست کو پوری طرح بدھ ٹریفک کی آمدورفت کے لیے بند رہے گی۔
محکمہ ٹریفک کی جانب سے جاری ایڈوائزری کے مطابق سرینگر جموں شہراہ پر ٹریفک کی نقل و حمل معطل رہے گی۔ کسی بھی گاڑی کو نہ ہی سرینگر سے جموں اور نہ ہی جموں سے سرینگر آنے کی اجازت ہوگی۔
خیال رہے کہ اس سے قبل بھی قومی شہراہ ضروری مرمت کے پیش نظر بند رہتی تھی۔ محکمہ ٹریفک کے ایک سنئیر افسر نے اس کی تصدیق کرتے ہوئے کہا کہ 11 اگست یعنی بدھ کے روز شہراہ پر کسی بھی مسافر یا مال بردار گاڑی کو چلنے کی اجازت نہیں دی جائے گی اور اس ضمن میں پہلے ہی حکم نامہ جاری کیا گیا ہے۔
مزید پڑھیں: آئی اے ایس ٹاپرز ٹینا ڈابی اور اطہر عامر کی محبت کی کہانی ختم
ادھر تمام مسافروں اور فوجی اہلکاروں کو بھی ہدایت دی گئی ہے کہ وہ بدھ کے روز شاہراہ پر سفر کرنے سے گریز کریں۔ اس کے علاوہ تمام مسافروں سے تاکید کی گئی ہے وہ سفر کرنے سے پہلے محکمہ ٹریفک سے رابطہ قائم کریں۔
