پلوامہ: جموں وکشمیر میں عسکریت پسندوں کے مدد کرنے والے افراد پر قومی تحقیقاتی ایجنسی کی جانب سے کاروائیاں جاری ہے،جس کے تحت ایجنسی کی جانب سے آئے روز جموں وکشمیر کے محتلف مقامات پر چھاپہ مار کاروائیاں انجام دی جارہی ہیں۔ اس سلسلے کو جاری رکھتے ہوئے قومی تحقیقات ایجنسی نے آج ضلع پلوامہ کے رہمو علاقے میں چھاپہ مار کارروائی کی، یہ چھاپہ مار کارروائی صبح سے ہی شروع کی گئی۔ پولیس اور سی آر پی ایف کی مدد سے چھاپہ مارا گیا۔ اطلاعات کے مطابق یہ چھاپہ مار کارروائی محمد اشرف کے گھر پر ماری گئی۔ اس دوران کاغذات کی چھان بین اور موبائل و دیگر الیکٹرانک چیزوں کی جانچ کی گئی۔
وہیں کاؤنٹر انٹیلی جنس کشمیر نے ضلع کے تین مختلف مقامات پر چھاپہ مار کارروائی انجام دی جس میں دربگام، کریم آباد ،آینگُنڈ شامل ہے۔ وہیں قومی تحقیقاتی ایجنسی کی طرف سے جنوبی کشمیر کے شوپیان ضلع میں تازہ چھاپہ مار کاروائیاں کی گئی۔ ابتدائی معلومات کے مطابق این آئی اے نے ضلع کے دچھی پورہ علاقے میں ساقب احمد ولد محمد مقبول کی رہائش گاہ پر چھاپے مارے اور تلاشی لی۔ بتا دیں کہ اونتی پورہ میں بھی کاؤنٹر انٹیلی جنس کشمیر کی جانب سے چھاپے مارے گئے۔
