سرینگر: جموں و کشمیر انتظامیہ نے رشوت خوری کے الزام کے تحت ہاوسنگ اینڈ اربن ڈیولپمنٹ محکمے کے نو ملازمین کو نوکری سے برطرف کر دیا ہے۔ محکمہ ہاوسنگ اینڈ اربن ڈیولپمنٹ کے ایک حکمانے کے مطابق ان ملازمین کو جموں و کشمیر سیول سروس ریگولیشن کے دفعہ 226 (C) کے تحت رشوت خوری کے الزامات پر برطرف کیا گیا ہے۔ محکمہ کے مطابق ان ملازمین کے خلاف رشوت خوری، غیر قانونی تجاوزات کی تعمیرات میں ملوث، فرضی بلز پاس کرنا اور غیر قانونی تقرریوں جیسے جرائم ملوث پائے گئے ہیں۔ Housing Urban Development Dept Employees Terminated
حکام کا کہنا ہے کہ دفعہ 226 (c) کے مطابق سرکار کو یہ اختیارات ہیں کہ وہ ان ملازمین کو برطرف کرے جن کو "ڈیڈ ووڈ" قرار دیا گیا ہو اور وہ ملازم بائیس برس کی سروس مکمل کی ہو یا عمر میں 48 برس کو پہنچ چکے ہوں۔ ان ملازمین میں سرینگر میونسپل کارپوریشن کے معراج الدین بوجھا شامل ہیں۔ معراج الدین بوجھا کو اس سے قبل انسداد رشوت خوری کی ٹیم نے گرفتار کرکے جیل بھیج دیا تھا۔ قابل ذکر ہے کہ معراج الدین بوجھا طویل عرصے سے سرینگر کے معروف زیارت دستگیر صاحب (سرائے بالا، امیراکدل) کی منیجنگ کمیٹی کے چیئرمین بھی رہ چکے تھے۔ Govt Employees Terminated from Services
یہ بھی پڑھیں:
ان کے علاوہ اننت ناگ میونسپل کمیٹی کے ایگزیکٹو افسر غلام محی الدین، شبیر احمد وانی اسسٹنٹ سٹیشن افسر شوپیاں، ذاکر علی سینٹری سپر وائزر میونسپل کمیٹی ڈوڈہ، عبدالطیف ہیڈ اسسٹنٹ میونسپل کمیٹی بانہال، سوکیش کمار سینیئر اسسٹنٹ میونسپل کمیٹی ڈوڈہ، گوہر علی ٹوگو سیکرٹری ڈائریکٹوریٹ اربن لوکل باڈیز کشمیر، شگفتہ علی سیکرٹری ڈائریکٹوریٹ اربن لوکل باڈیز کشمیر اور ٹھاکر داس الیکٹرشن میونسپل کمیٹی ریاسی شامل ہیں۔
