Couple Arrested in Srinagar سرینگر میں فرضی آئی اے ایس اور آئی پی ایس جوڑا گرفتار

پولیس نے سرینگر میں ایک جوڑے کو گرفتار کیا ہے جو لوگوں سے آئی اے ایس اور آئی پی ایس افسر ہونے کا دعویٰ کرکے ٹھگ رہے تھے۔ گرفتار فرضی آئی پی ایس افسر کی شناخت منموہن گنگو جبکہ ان کی اہلیہ فرضی آئی پی ایس ایوش کول کے طور پر ہوئی ہے۔

سرینگر: جموں و کشمیر پولیس نے پیر کے روز سرینگر شہر سے ایک جوڑے کو گرفتار کرنے کا دعویٰ کیا ہے۔ یہ جوڑا آئی پی ایس اور آئی اے ایس افسر ہونے کا دعویٰ کرکے لوگوں کو نوکری فراہم کرنے کے بہانے ٹھگتے تھے۔
اس حوالے سے سرینگر پولیس کے ایک ترجمان نے بتایا کہ پولیس اسٹیشن صدر کو ایک تحریری شکایت موصول ہوئی تھی جس میں دو افراد کے دھوکہ دہی کی سرگرمیاں میں ملوث ہونا بتایا گیا تھا۔ یہ دونوں خود کو آئی پی ایس اور آئی اے ایس افسر بتا کر کئی لوگوں کو نوکری وغیرہ دینے کے بہانے ٹھگتے تھے۔

• A Couple arrested for Impersonating as IPS & IAS Officer. They had duped many persons of lakhs of rupees by promising jobs/transfers & other favours. Accused: Manmohan Ganjoo (fake IPS) S/o Lt Girdhari Lal Ganjoo of Baghat, Srinagar & Ayoush Koul Ganjoo (fake IAS) his wife 1/3 pic.twitter.com/E85vwpZ6D1

  — Srinagar Police (@SrinagarPolice) August 7, 2023 " class="align-text-top noRightClick twitterSection" data="

  A Couple arrested for Impersonating as IPS & IAS Officer. They had duped many persons of lakhs of rupees by promising jobs/transfers & other favours. Accused: Manmohan Ganjoo (fake IPS) S/o Lt Girdhari Lal Ganjoo of Baghat, Srinagar & Ayoush Koul Ganjoo (fake IAS) his wife 1/3 pic.twitter.com/E85vwpZ6D1

  — Srinagar Police (@SrinagarPolice) August 7, 2023

  ">

  A Couple arrested for Impersonating as IPS & IAS Officer. They had duped many persons of lakhs of rupees by promising jobs/transfers & other favours. Accused: Manmohan Ganjoo (fake IPS) S/o Lt Girdhari Lal Ganjoo of Baghat, Srinagar & Ayoush Koul Ganjoo (fake IAS) his wife 1/3 pic.twitter.com/E85vwpZ6D1

  — Srinagar Police (@SrinagarPolice) August 7, 2023

پولیس کی جانب سے ان دونوں کی شناخت فرضی آئی پی ایس افسرمنموہن گنگو ولد گرداری لال گنگو ساکن برنائی جموں، موجودہ رہائش باغات سرینگر اور ان کی اہلیہ فرضی آئی اے ایس آفیسر ایوش کول کے بطور ہوئی ہے۔دلچسپ بات یہ ہے کہ منموہن پولیس کے معطل ہیڈ کانسٹیبل ہیں جبکہ ان کی اہلیہ گھریلو خاتون ہیں۔

پولیس کے ایک ترجمان کے مطابق شکایت معصول ہونے کے بعد تعزیرات ہند کی دفعہ 419، 420، 468، 471، 170، اور 467 کے تحت ایف آئی آر زیر نمبر 73/23 درج کی گئی۔ فوری کارروائی کی گئی اور ملزمان کو گرفتار کرلیا گیا۔ دیگر الزامات کی سچائی اور شواہد اکٹھے کرنے کے لیے معاملے کی تحقیقات شروع کر دی گئی ہیں۔
پولیس کے مطابق ابتدائی تحقیقات کے دوران رقم اور زیورات سمیت چند الیکٹرانک گیجٹس ایگزیکٹو مجسٹریٹس کے سامنے موقع پر ضبط کیے گئے ہیں۔ ان ڈیجیٹل آلات سے بہت سے جعلی آرڈرز ملے ہیں جن میں آئی پی ایس میں شامل کرنے کا اس کا اپنا فرضی آرڈر بھی شامل ہے۔

اس حوالے سے پولیس کے ایک سینیئر افسر نے ای ٹی وی بھارت کو بتایا کہ"ابھی تحقیقات ابتدائی مراحل میں ہے، مزید جانکاری دینا قبل از وقت ہوگا۔ چند روز میں چند اہم سراغ سامنے آنے کی امید ہے۔"انہوں نے مزید کہا کہ ان کے خلاف ابھی تک چار لوگوں نے شکایت درج کرائی ہے۔ اگر اس جوڑے نے کسی اور کو بھی دھوکہ دیا ہے تو اُن کے خلاف صدر تھانے سے رابطہ قائم کرے۔