جموں و کشمیر پردیش کانگریس کمیٹی نے جمعہ کے روز سرینگر میں گاندھی جی کے یوم پیدائش پر تقریب منعقد کی اس دوران انہوں نے بی جے پی کی سخت نکتہ چینی کی۔
تقریب کے دوران کانگرس لیڈران نے کسان بل اور اتر پردیش میں دلت خاتون کے ساتھ ریپ معاملے پر مرکزی اور یو پی سرکار کو نشانہ بنایا گیا اور ان کے خلاف نعرے بازی بھی کی گئی
یہ تقریب سرینگر کے کانگرس دفتر میں منعقد کی گئی جس میں کانگرس کے سینئر لیڈران اور کارکنان نے شرکت کی۔ تقریب کی صدارت کانگریس جموں و کشمیر ونگ کے صدر غلام احمد میر نے کی۔
یہ بھی پڑھیں: ہاتھرس میں میڈیا اور سیاسی رہنماؤں پر پابندی کیوں؟
میڈیا سے بات کرتے ہوئے غلام احمد میر نے کہا کہ کسان بل میں ترمیم کی اشد ضرورت ہے کیونکہ اس میں بیشتر نکات کسان مخالف ہیں۔
انہوں ایک سوال کے جواب میں کہا کہ جموں و کشمیر میں حالت ابتر ہوتے جارہے ہیں اور لوگوں کو بھی روزمرہ کی زندگی میں کافی دشواریوں کا سامنا ہے کرنا پڑہا رہا ہے اس لیے جموں و کشمیر میں عوام کی منتخب سرکار ہونی چاہیے۔
انکا کہنا تھا کہ الیکشن کمیشن کو جموں و کشمیر میں انتخابات کروانے چاہیے اور کسی ایسے اعلان کے بعد کانگریس اپنا حتمی فیلصہ کرے گی-
