'ہمیں میٹنگ منقعد کرنے کی اجازت دی جائے'

انہوں نے خط میں لکھا کہ اس ذہنی تناؤ سے متاثرہ نوجوانوں کا اس وقت ہاتھ تھامنے کی ضرورت ہے جس کے لئے پی ڈی پی یوتھ ونگ سامنے آرہی ہے-

پیپلز ڈیموکریٹک پارٹی کی یوتھ ونگ کے صدر وحید رحمان پرہ اور سابق رکن اسمبلی اعجاز میر نے جموں و کشمیر انتظامیہ سے گزارش کی ہے کہ انکو 16 ستمبر کو پارٹی صدر دفتر پر میٹنگ منعقد کرنے کی اجازت دی جائے۔ انہوں نے کشمیر کے صوبائی کمشنر پانڈو رنگ پولے کو خط لکھا ہے جس میں انہوں نے ذکر کیا ہے کہ کشمیر میں غیر یقینی سیاسی صورتحال اور کورونا وائرس لاک ڈاؤن کی وجہ سے نوجوان ذہنی دباؤ اور تناؤ کا شکار ہورہے ہیں-

انہوں نے لکھا ہے کہ اس ذہنی تناؤ سے متاثر نوجوانوں کا اس وقت ہاتھ تھامنے کی ضرورت ہے جس کے لئے پی ڈی پی یوتھ ونگ سامنے آرہی ہے-

ہمیں میٹنگ منقعد کرنے کی اجازت دی جائے: پی ڈی پی یوتھ ونگ

انہوں نے صوبائی کمشیر سے تلقین کی ہے کہ وہ انکو یہ میٹنگ منعقد کرنے کا موقع فراہم کرے-انہوں نے لکھا ہے کہ اگر انکو اجازت دی جاتی ہے تو وہ 16 ستمبر یعنی بدھ کو پارٹی دفتر پر میٹنگ منعقد کرنا چاہتے ہیں۔انہوں نے مزید لکھا کہ گھروں میں نظر بند ہونے کی پاداش میں صوبائی کمشنر متعلقہ سیکیورٹی انتظامیہ کو آگاہ کر کے انکو میٹنگ منعقد کرنے کی اجازت دے۔واضع رہے کہ ان دونوں نوجوان رہنماؤں کو گزشتہ برس پانچ اگست کو دفعہ 370 کی منسوخی کے بعد انتظامیہ نے گرفتار کیا تھا اور رہائی کے بعد انکو گھروں میں نظر بند رکھا گیا ہے۔